می رقصم :انتخاب

ہُوں خُوشی سے نِڈھال مِی رَقصَم…
یار مُجھ کو سَنبھال مِی رَقصَم !

تجھ کو دیکھوں تو وَجد طاری ہو…
میرے زُہرہ جَمال مِی رَقصَم !

کُوزہ گَر چاک پر گُھما مجھ کو…
تُو بَنا خد و خال مِی رَقصَم !

اب تو دُکھ سُکھ بھی ایک جیسے ہیں
ہِجر ہو یا وِصال مِی رَقصَم !

تَن پہ ایسا سَکُوت طاری ہو…
رُوح ڈالے دَھمال مِی رَقصَم !

بُلھے نَچ کے مَنایا یَار اَپڑاں…
میری کیا ہے مَجال مِی رَقصَم !

رَقص کرتے ہوئے جو مَر جاؤں…
تُم نہ کرنا مَلال مِی رَقصَم !

اے مری موت رہ گئی تُو کہاں…
زندگی کو سنبھال مِی رَقصَم !

سفیر نوتکی.