انڈیا کا وہ گاؤں جہاں سائرن بجتے ہی ٹی وی اور موبائل فون بند ہو جاتے ہیں

وہ کہتے ہیں کہ ’کووڈ نے آن لائن سرگرمیوں کے رجحان اور ان پر گزارے جانے والے وقت میں اضافہ کیا ہے۔‘

جولائی اور دسمبر 2020 کے دوران ڈاکٹر شرما اور ان کے ساتھیوں نے 682 افراد (495 خواتین اور 185 مردوں) پر ایک تحقیق کی جس میں یہ پایا گیا کہ ’انٹرنیٹ کا پریشان کن استعمال‘ نوبالغ افراد اور نوجوانوں میں تیزی سے سامنے آ رہا تھا۔ یہ انٹرنیٹ کے بے دریغ استعمال کی وجہ سے پیدا ہونے والا سب سے بڑا مسئلہ ہے۔‘

مطالعے میں پایا گیا کہ ’انٹرنیٹ کا حد سے زیادہ غیر پیداواری استعمال کیا جائے تو اس کے پریشان کُن استعمال کا خطرہ بڑھا جاتا ہے جس سے نفسیاتی دباؤ پیدا ہوتا ہے۔ اس میں نوجوانی کے کئی پہلوؤں کو نقصان پہنچانے کی صلاحیت موجود ہے۔‘

ایسے نوبالغ افراد جو پہلے ہی نفسیاتی دباؤ کے شکار ہوں ان کی طرف سے انٹرنیٹ کا ایسا استعمال زیادہ ممکن ہے جو اُنھیں ناگوار جذباتی حالات سے عارضی فرار فراہم کرے۔

اس کی وجہ سے وہ سماجی میل جول، خاندان والوں کے ساتھ بیٹھنا اور غیر نصابی سرگرمیوں میں حصہ لینا کم کر سکتے ہیں جس سے وہ پہلے سے زیادہ تنہا ہو جاتے ہیں۔

ڈاکٹر شرما کہتے ہیں کہ دانستہ طور پر اس ڈیجیٹل بریک سے خاندان کے ہمراہ اچھی سرگرمیوں میں حصہ لینے سے آن لائن سرگرمیوں پر انحصار کم ہو سکتا ہے۔

’آپ کو اپنے بچوں سے بات کر کے یقینی بنانا چاہیے کہ وہ جسمانی یا آف لائن سرگرمیوں میں حصہ لے رہے ہیں، بھرپور سو رہے ہیں اور اچھی غذا بھی کھا رہے ہیں۔‘

گنا اگانے والے دلیپ موہیتے تین بچوں کے باپ ہیں۔ وہ کہتے ہیں کہ وہ اس فیصلے کے اثرات دیکھ سکتے ہیں۔