پاکستان کی جیت اور فخر زمان کے 180 رنز: ’فخر بڑے میچ کا کھلاڑی ہے، آج فخر کا دن تھا‘

ماضی میں 250 سے زائد رنز کا تعاقب ہمارے لیے ایک ڈراؤنا خواب ہوا کرتا تھا۔ یہ خوشگوار تبدیلی بابر اعظم کا اپنے کھلاڑیوں فخر زمان، امام الحق اور محمد رضوان پر اعتماد کی وجہ سے ہے۔ میں کبھی سوچ بھی نہیں سکتا تھا۔ ون ڈے میں ہمارے پاس یہ مضبوط بیٹنگ لائن اپ ہوگی۔ پاکستان کرکٹ ٹیم کا مداح ہونے پر خدا کا شکر اور بطور مداح ہم اس کے مستحق ہیں ایک اور صارف نے لکھا کہ ’سنہ 2015 میں ایک وقت تھا جب ہماری ٹیم کو 200 رنز بنانے میں بھی مشکلات کا سامنا کرنا پڑتا تھا اور آج ہماری خواہش ہے کہ ہمارے باؤلرز زیادہ رنز دے دیتے تاکہ ہمارے اوپنر 200 رنز بنا سکیں، فخر زمان نے واقعی ون ڈے اوپننگ کی قسمت بدل دی ہے۔

فخر زمان کی شاندار 180 رنز کی اننگز پر حکومتی رکن پارلیمان اور وزیر اعظم کی معاون خصوصی شزا فاطمہ خواجہ نے لکھا کہ ’فخر زمان نے کیا شاندار اننگز کھیلی ہے، ڈیڑھ سو سے زیادہ رنز اور بیٹ کیری کرنا، ہر لحاظ سے یہ پاکستان کی شاندار فتح ہے۔