انسٹاگرام پر اب آپ ایڈیٹنگ بھی کرسکتے ہیں، مگر کیسے؟
سوشل میڈیا شیئرنگ ایپلی کیشن انسٹاگرام نے اپنے صارفین کے لیے ’ایڈٹس‘ نامی ایڈیٹنگ ایپلی کیشن متعارف کرادی۔
اپنی ویڈیو پوسٹ میں انسٹاگرام کے بانی کہنا تھا کہ ایڈٹس نامی ایڈیٹنگ اینڈ ویڈیو ریکارڈنگ ایپلی کیشن فوری طور پر آئی او ایس صارفین کے لیے پری آرڈر دستیاب ہے۔
اُن کی جانب سے وضاحت کی گئی کہ مذکورہ ایپ فوری طور پر عام افراد کے لیے ڈاؤن لوڈنگ اسٹورز میں موجود نہیں، تاہم ایک ماہ کے اندر ایپلی کیشن اسٹورز پر مہیا کردی جائے گی
اس کے علاوہ بہت جلد ایپلی کیشن کو اینڈرائیڈ صارفین کے لیے بھی پیش کردیا جائے گا۔
انہوں نے کہا کہ مذکورہ ایپلی کیشن صرف عام ویڈیو ایڈیٹنگ ایپ نہیں بلکہ اس کے ذریعے اعلیٰ کوالٹی کی ویڈیو ریکارڈنگ بھی ممکن ہے۔
آرٹیفیشل انٹیلی جنس (اے آئی) ٹولز کو بھی ایڈٹس نامی مذکورہ ایپلی کیشن میں شامل کیا گیا ہے جب کہ ایپ میں میوزک، افیکٹس سمیت دوسرے فیچرز بھی شامل کئے گئے ہیں۔
اگرچہ انہوں نے وضاحت نہیں کی کہ کیا مذکورہ ایپ فری میں استعمال کی جا سکے گی یا اس کے لیے پیسے دینے ہوں گے، تاہم ممکنہ طور پر مذکورہ ایپلی کیشن کے تمام فیچرز تک پیسوں کے عوض رسائی ممکن ہوسکے گی
